ஞானம் தேடி

Illustration ~ Melinot Aline

இப்படியெல்லாம் இருந்தால் உருப்படமாட்டாய்

விழுகின்ற இலை

உன்மீது பட்டால் ஞானமாவாது கிட்டும்

அதற்கு வழி பார் என்றான் நண்பன்

ஒரு மரத்தின் அடியில்  நீண்டநேரம்

நின்றவனின் தலையில்

இலையொன்று மோதியது

என்ன யோசித்தான் என்று தெரியவில்லை

மரத்தை பிடித்து குலுக்க

விழுந்த அத்தனை ஞானங்களையும் 

சாக்கில் சுருட்டி தலைமறைவானான்

எப்படியோ 

நல்லது நடந்தால் புண்ணியம்தானே.